《愛回家之開心速遞》昨日播出的一集「你愛的人,愛你的人」中,講到大小姐(林淑敏飾)被未婚夫Jacky(黎振燁飾)纏擾,導致未能跟男友送水輝(許家傑飾)同Philip仔一齊去澳門玩,送水輝兩父子失望之餘,Philip仔見到雜誌新聞,估計大小姐被搶走,他不甘爸爸被戴綠帽,一心要為爸爸報復對方,結果遇到Jacky時,即時想整蠱對方。Philip仔同同學黃技安一齊夾計,鬼馬之餘仲要吟詩,非常搞笑,Philip仔說:「呢個人天堂有路佢唔走,地獄無門佢闖進來。」而由敵化為友的技安同學都呼應他說:「咁就要令佢龍游淺水遭蝦戲,虎落平陽被犬欺。」兩個小朋友吟詩吟得頭頭是道,非常可愛,後來,他們亂帶Jacky去雜物房,導致Jacky撞傷暈倒兼被困兩日,兩個小朋友完全不知情,更準備好放假去技安屋企睇《曹總傳》,大放笑彈。
Philip仔要同Jacky影合照,你睇佢個樣幾不滿。(圖片:梁禹勤IG)
Dylan話戲裡戲外都同黃技安同學成為好朋友。(圖片:梁禹勤IG)
整蠱人整蠱到要吟詩,認真搞笑。(圖片:《愛回家之開心速遞》電視截圖)
技安同Philip仔成為最佳拍檔。(圖片:《愛回家之開心速遞》電視截圖)
林淑敏和許家傑在該集完結後,一齊在社交平台開直播,跟大家一齊討論劇情之餘,仲唱歌助興,不少網友讚淑敏在海岸邊肉緊大叫「Jacky」時的演技非常好,家傑說:「好多人都讚兩個小朋友場戲,我都覺得好好笑,點會講自己係蝦同埋狗呀?」其實Philip仔原名叫梁禹勤,英文名唔係Philip,而係Dylan,今年8歲,在《愛回家之開心速遞》已經成為常設角色,就讀「道德重整會小學」,最常跟「爸爸」許家傑、「爸爸情人」林淑敏、「校長」陳榮峻、「廢青安」周嘉洛有對手戲,而劇中原本經常欺負他的黃技安同學,戲裡戲外都成為了好朋友,非常難得。
許家傑非常照顧這個小童星。(圖片:梁禹勤IG)
一直都有演員認為跟小朋友對戲是最辛苦,但拍劇期間,許家傑同林淑敏都非常照顧Dylan,8歲生日時,兩人特別買蛋糕為他慶祝,而有時候拍劇期間要等埋位,林淑敏更會請Dylan食雪糕解悶,非常細心。在Dylan的IG所見,他除了拍劇之餘,非常喜歡游水,在他媽媽上載的工作紙上,Dylan連造句都寫上:「我希望我長大後,可以做一個出色又人品好的明星。」似乎Dylan好鍾意演戲,動靜佳宜的他相信將來必有所成。
三人早前出外景去主題樂園拍攝,寓工作於娛樂。(圖片:梁禹勤IG)
Dylan原來志願係做明星,仲要係人品好嘅明星,好可愛呀!(圖片:梁禹勤IG)